Pune
तुकाराम मुंढे यांनी अन्न व औषध प्रशासन विभागाची सूत्र हाती घेतल्यापासून राज्यभर छापेमारी सुरू केली आहे. अनेक हॉटेल, रेस्टॉरंट, बेकरीज, गोडाऊन आणि कंपन्यावर छापेमारी करत कोट्यवधी रुपयांची भेसळ उघडकीस आणली.
ही छापेमारी करत तुकाराम मुंढेंनी अनेक कंपन्या आणि हॉटेल्सला टाळे ठोकले. यामुळे आता राज्यातील अन्न आणि औषध प्रशासन विभागातर्गंत येणारे व्यावसायिक सतर्क झाले आहेत. अन्नात होणारी भेसळ मोठ्या प्रमाणात कमी झाली आहे.
दरम्यान, तुकाराम मुंढे यांनी एका कार्यक्रमातून चहाबाबत महत्त्वाचं वक्तव्य केलं आहे. त्यांचं हे वक्तव्य ऐकून तुम्ही देखील चहा पिणं कायमचं बंद करू शकता. एका जाहीर कार्यक्रमात त्यांनी चहासाठी आपल्या घरी येणारं दूध कसं येतं? कुठल्या टप्प्यावर काय होतं? याबाबतची माहिती दिली आहे. त्यांनी डोळे उघडवणारी दिलेली माहिती ऐकून कदाचित तुम्ही देखील चहा पिणं बंद करू शकतात.
तुकाराम मुंढे भाषणात काय म्हणाले?
तुकाराम मुंढेंनी आपल्या भाषणात सांगितलं की, "आपल्यापैकी बहुतांश लोक चहा पितात. दुर्दैवाने, आपला चहा आणि पाश्चात्त्य पद्धतीचा चहा यामध्ये खूप जास्त फरक आहे. आपल्याकडे चहा म्हणजे चहाच्या पानांपेक्षा मुख्यत्वे दूध आणि साखरच जास्त असते. पण असो, या सवयींवर चर्चा करण्यासाठी आणि त्या बदलण्यासाठी आपल्याला बराच मोठा टप्पा गाठावा लागेल. पण मी सुरुवात आधी दूधापासून करतो. सकाळी तुम्हाला दूध एकतर पाकिटातून मिळते किंवा कुणीतरी तुमच्या दाराजवळ आणून देतं."
"पण एक क्षण विचार करा आणि त्या दूधाच्या प्रवासात थोडे मागे जाऊन बघा. तुमच्या दारावर येण्यापूर्वी, ते दूध एखाद्या दुकानात होते. एका व्यक्तीने ते वाहतूक करून आणले होते, त्यापूर्वी ते दुकानात कदाचित फ्रीझरमध्ये ठेवलेले होते. त्या फ्रीझरमध्ये खरोखरच योग्य तापमान राखले जात होते की नाही, हे आपल्याला माहीत नाही. त्याही आधी, ते दूध एखाद्या वाहतूक करणाऱ्या वाहनातून आलेलं असावं. ते ज्या टँकर किंवा कॅनमधून आणलं गेलं, ते स्वच्छ होते की नाही हे आपल्याला माहीत नसतं."
दूधाचं सामान्य तापमान ४ अंश सेल्सिअसच्या आसपास असायला हवं (४ अंशांपेक्षा जास्त नाही), ते तापमान राखले गेले होते की नाही हेही आपल्याला माहीत नसतं. हे तापमान राखणे अपेक्षित असते, कारण जनावराचे दूध काढल्यानंतर जर ते सामान्य दूध ४ अंश सेल्सिअसपेक्षा जास्त तापमानावर गेलं तर त्यात अॅसिडीटी होण्याची शक्यता अधिक असते," अशी माहिती तुकाराम मुंढेंनी दिली.
