स्मार्टफोन वापरकर्त्यांपैकी अनेकांना काही महिन्यांच्या वापरानंतर बॅटरी परफॉर्मन्स कमी होत असल्याचा अनुभव येतो. यासंदर्भात विविध तज्ज्ञांनी आणि कंपन्यांनी बॅटरीचे आयुष्य वाढवण्यासाठी महत्त्वाचे उपाय सुचवले आहेत.
अनेक स्मार्टफोन कंपन्या फोनमध्येच बॅटरीची स्थिती तपासण्याची सुविधा देतात. सॅमसंगच्या ‘बॅटरी अँड डिव्हाइस केअर’मधील डायग्नोस्टिक्स पर्याय तर काही अँड्रॉइड फोनसाठी AccuBattery सारखी थर्ड-पार्टी अ‍ॅप्स वापरण्याची शिफारस केली जाते. या अ‍ॅप्सद्वारे चार्जिंग स्पीड, तापमान, बॅटरीची हेल्थ इत्यादी माहिती मिळू शकते.
वनप्लस वापरकर्त्यांसाठी ‘OnePlus Care’ हे अ‍ॅप उपलब्ध असून ते अ‍ॅप्स आणि बॅटरीचे परफॉर्मन्स तपासते. शाओमी फोनमध्ये तापमान तपासण्याची सुविधा असली तर रिअलमीमध्ये अशी सुविधा नसल्याने थर्ड-पार्टी अ‍ॅप्स वापरण्याचा सल्ला दिला जातो.
बॅटरीचे आयुष्य वाढवण्यासाठी महत्त्वाचे उपाय:
-
बॅकग्राउंडमधील बॅटरी ड्रेन करणारे अ‍ॅप्स बंद करणे
सेटिंग्जमधील बॅटरी वापर विभाग तपासून अनावश्यक अ‍ॅप्स थांबवावेत.
-
जीपीएस, ब्राईटनेस आणि रिफ्रेश रेट नियंत्रित करणे
लोकेशन बंद करणे, ऑटो ब्राईटनेस ठेवणे, रिफ्रेश रेट 60Hz करण्याने बॅटरी वाचते.
-
100% चार्जिंग टाळणे
अ‍ॅपल, सॅमसंग आणि तज्ज्ञांच्या माहितीनुसार स्मार्टफोनला 80–85% पर्यंत चार्ज करणे अधिक सुरक्षित मानले जाते. 100% चार्जिंग बॅटरीचे आयुष्य कमी करते.
तज्ञांचे म्हणणे आहे की फोनचे तापमान 50°C पेक्षा अधिक जाऊ न देणेही आवश्यक आहे.
बॅटरी खराब झाल्यास काय करावे?
बॅटरीची स्थिती अत्यंत खराब झाल्यास ती बदलणे हा सर्वोत्तम पर्याय आहे. शाओमीने नुकतीच एक विशेष मोहीम जाहीर केली असून फक्त 499 रुपयांत स्मार्टफोनची बॅटरी बदलून मिळणार आहे. इतर ब्रँड्ससाठी ग्राहकांनी संबंधित सर्व्हिस सेंटरशी संपर्क साधावा.
