PUNE NEWS - : गेल्या काही दिवसापूर्वीच गँगस्टर निलेश घायवळच्या कोथरुड येथील घरातून २०१७ सालचा एक रिकाम्या दारुगोळ्याचा बॉक्स जप्त करण्यात आला आहे. हा बॉक्स ५.६ मिमी गोळ्यांसाठी वापरला जातो. ६ ऑक्टोबर रोजी पोलिसांनी घायवळच्या घर आणि ऑफिसची झडती घेतली असता हा बॉक्स सापडला. यासोबतच काही रिकाम्या आणि काही जिवंत काडतुसेही सापडली. याप्रकरणी भारतीय शस्त्र कायद्यान्वये कोथरुड पोलीस ठाण्यात गुन्हा दाखल करण्यात आला आहे होता.
हे प्रकरण ताजे असतानाच बाणेर भागातील सामाजिक कार्यकर्ते तथा पुणे भारतीय जनता पार्टीचे उपाध्यक्ष विशाल कृष्णा गांधीले व निसर्ग अर्जुन गांधिले, या दोघांना बेकायदा रिवाल्वर सापडल्याबद्दल बाणेर येथून पुणे क्राईम ब्रांचने राहत्या घरातून अटक केली आहे.
होऊ घातलेल्या महानगरपालिकेच्या निवडणुकीत गांधीले हे बाणेर भागातून प्रबळ इच्छुक होते; मात्र बेकायदा शस्त्र राखल्या प्रकरणी त्यांना अटक झाली आहे त्यांचे इतर देखील साथीदार फरार आहेत, या प्रकरणाची सखोल चौकशी डीसीपी निखिल पिंगळे करत आहेत.
यापूर्वी देखील गांधीले यांच्यावर 324 326 सारखे गंभीर गुन्हे दाखल आहेत भारतीय जनता पार्टी अशा गुन्हेगारांना प्रोत्साहन देते का पक्षातून बेदखल करते हे येत्या काही दिवसातच पहावे लागेल.
