शेतकऱ्यांना आनंदाची बातमी कुठलेही आंदोलन न करता या साखर कारखान्यांनी
शेतकरी संघटनांच्या आंदोलनाची वाट न बघता सरासरी ३५०० रुपये पहिला हप्ता जाहीर केला आहे.
साखर कारखान्यांच्या इतिहासात पहिल्यांदा पहिला हप्ता जादा मिळणार आहे. सह्याद्री, कृष्णा, रयत, जयवंत शुगर्स आदी कारखान्यांनी पहिला हप्ता ३५००, तर लोकनेते बाळासाहेब देसाई कारखान्याने तीन हजार पहिला हप्ता जाहीर केला आहे. त्यामुळे जिल्ह्यातील अन्य कारखान्यांनाही त्याच तोलामोलाचा दर द्यावा लागणार आहे.
साखर कारखान्यांच्या गव्हाणीत उसाची मोठी टाकून गळीत हंगाम सुरू करतानाच उसाचा पहिला हप्ता जाहीर करावा, अशी मागणी शेतकरी संघटनाकडून केली जाते. मात्र, गेल्या अनेक वर्षांपासून अपवाद वगळता त्याला अनेक कारखानदारांनी फाटाच दिला आहे. यंदा मात्र, लोकनेते बाळासाहेब देसाई साखर कारखान्याचे अध्यक्ष यशराज देसाई यांनी उसाचा पहिला हप्ता तीन हजार देण्याची पहिल्यांदा घोषणा गळीत हंगामाच्या प्रारंभी केली. त्यानंतर रयत अथणी शुगर्सने ३५०० जाहीर केला.
कारखान्यांनी यंदा जाहीर केलेला पहिला हप्ता
कृष्णा सहकारी कारखाना - 3500
सह्याद्री सहकारी कारखाना - 3500
रयत- उथणी शुगर्स कारखाना - 3500
जयवंत शुगर्स कारखाना - 3500
बाळासाहेब देसाई कारखाना - 3000
