HSRP Number Plate वाहनधारकांसाठी आता हाय सिक्युरिटी रजिस्ट्रेशन प्लेट (HSRP) असणे सक्तीचे करण्यात आले आहे. सर्वच प्रकारच्या गाड्यांसाठी हा कायदेशीर नियम लागू आहे.
- 30 नोव्हेंबरपर्यंत वाहनधारकांना एचएसआरपी (HSRP) नंबरप्लेट बसविण्याची अंतिम मुदत
- सोलापुरात 7 लाखांपेक्षा जास्त वाहनांना जुन्याच नंबर प्लेट
काही महिन्यांपूर्वी राज्य सरकारने एचएसआरपी नंबर प्लेट सगळ्या वाहनांसाठी सक्तीचे केले आणि वाहन चालकांमध्ये एकच गोंधळ उडाला.
नियमाचे पालन करण्यासाठी आता राज्य सरकारकडून वाहनधारकांना 30 नोव्हेंबर 2025 ही अंतिम मुदत देण्यात आली आहे. मुदत संपल्यानंतर HSRP नसलेल्या वाहनांवर कारवाई सुरू होईल. मोटार वाहन कायद्यातील कलम 177 नुसार, पहिल्यांदा नियमांचे उल्लंघन केल्यास थेट 1000 रुपये दंड आकारला जाईल. यानंतरही HSRP प्लेट न बसवल्यास दंडाची रक्कम 10,000 रुपयांपर्यंत वाढू शकते.
वाहनधारकांनी दंड टाळण्यासाठी तातडीने परिवहन विभागाच्या संकेतस्थळावर (https://transport.maharashtra.gov.in) नोंदणी करणे आवश्यक आहे. या वेबसाइटवर जाऊन वाहनाचे RC क्रमांक वापरून तुम्हाला फिटमेंट सेंटरवर प्लेट बसवण्यासाठी वेळ (Appointment) घ्यावी लागेल. ही वेळ 30 नोव्हेंबर 2025 पूर्वीची निश्चित करणे गरजेचे आहे.
