Pune भोसरी विधानसभा मतदारसंघाचे आमदार महेश लांडगे यांच्या वाढदिवसानिमित्त संपूर्ण भोसरीमध्ये विविध सामाजिक उपक्रम राबविले जात आहेत. याच पार्श्वभूमीवर भाजपचे युवा नेते निखिल बोऱ्हाडे यांच्या संकल्पनेतून भोसरी विधानसभा मतदारसंघात प्रथमच बाबासाहेब पुरंदरे लिखित ‘जाणता राजा’ हे महानाट्य दि.०६ आणि ०७ डिसेंबर रोजी आयोजित करण्यात आले आहे.
२५० कलाकारांसमवेत भव्य रंगमंचावर प्रसिद्ध असा जाणता राजा हे महानाट्य सादर होणार आहे. भोसरी मधील स्टॅच्यू ऑफ हिंदू भूषण, छत्रपती संभाजी महाराज पुतळा मैदान, मोशी येथे हे भव्य महानाट्य होणार असून भोसरी विधानसभा मतदारसंघातील नागरिकांनी आपल्या सहकुटुंब, सहपरिवासह या ऐतिहासिक महानाट्य च्या प्रयोगाला उपस्थित राहावे असे आवाहन युवानेते निखिल बोऱ्हाडे यांनी केले आहे.
आपल्या छत्रपतींचा इतिहास घराघरात पोहोचावा, लहान थोरांना आपल्या छत्रपतींच्या कार्याची माहिती व्हावी, याकरिता सदर महानाट्यचे आयोजन करण्यात आले असल्याची माहिती निखिल बोऱ्हाडे यांच्या वतीने देण्यात आली आहे.